Lafo autū ua faatū atu:
Talofa lava ma afifio mai.
Ua malilie le Faigamalo e faatagaina faigapalota faailetonika o se vaega o le faatinoga i auala faaonaponei o le ta'iala o faigapalota mo le komiti faafoe o aoga. I le taimi nei, e na o pepa o loo mafai ona fai ai faigapalota mo komiti faafoe. O le faatinoina o faigapalota faailetonika o se tasi lea o auala ua fai ai faigapalota i le 21 seneturi, ma faamalieina manaoga o tamaiti aoga, mātua ma le aufaigaluega a le aoga.
O le a mafai e aoga ona filifili pe fai a latou faigapalota e faaaogā ai faagasologa o pepa o loo iai nei pe faaaogā faagasologa faailetonika ma se isi faagasologa e faaaogā ai pepa.
O suiga tāua i totonu o Tulafono Faatonutonu e mafai ai ona fai faigapalota faailetonika e:
- Faatulaga taiala faatekinisi (technical) ma faagaioiga ina ia faamautinoa o loo saogalemu ma malupuipuia faigapalota faailetonika
- Faatuina se polokalame faamaonia e siaki ai e le Matagaluega le agavaa o le auaunaga pe o ausia tapulaa ina ia lē tau manaomia e aoga ona
- Saili le faaaogāina o kamupani faamaonia mo faigapalota a mātua ma le aufaigaluega ae lē mo faigapalota a tamaiti aoga
- Saili pepa ina ia avanoa pea mo tagata palota, tusa lava pe filifili se aoga e fai se faigapalota faailetonika
O isi teuteuga:
O nisi suiga i tulafono faatonutonu o le a fesoasoani ina ia sologa lelei faigapalota mo komiti faafoe. O mea nei:
- Faataga le faitauina o palota i se faigapalota faailetonika e fai e aunoa ma ni tagata e mata'ituina le faitauga o palota (scrutineers) ona e lē mafai e lena tagata ona silasila i taimi uma i le faitauga o palota i luga o se komepiuta
- Aveesea le faasologa umi o taimi (83 aso) palota e fai ma filifiliga mo faigapalota a komiti faafoe, ona ua faailoa mai e le matou faatalanoaga e umi tele lenei vaitaimi. O aoga o loo iai i le faasologa umi o taimi o le a toe foi i le faasologa puupuu o taimi (63 aso)
- Teuteuga o le faasologa puupuu o taimi o le faigapalota ina ia lava se taimi mo sui ofisa fai palota e tapena ai a latou pepa palota
- Faailoaina o se faasologa ua faapuupuu o taimi (tusa ma le 30 aso) mo faigapalota a sui o tamaiti aoga ma faigapalota laiti a le aufaigaluega ina ia faafaigofie ona faatino nei matafaioi
Enabling electronic school board elections consultation guide. (Samoan)[PDF, 147 KB]
Read enabling electronic school board elections draft regulations.[PDF, 187 KB]
Go to the consultation hub to submit your response to enabling electronic school board elections.
Consultation closes 18 March