Home About
Na Tabacakacaka ni Vuli sa vakarautaka e rua na ilavo me tokoni ira na Pasifika ena nodra rawaka vakavuli kei na ituvaki ni bula ena COVID-19.

Na Pacific Education Innovation Fund kei na Pacific Education Support Fund sa tiki tiko ni $80.2 na milioni ni veivuke ni Vuli ni Pasifika ena COVID-19 Response and Recovery Fund a kacivaki ena Action Plan for Pacific Education 2020-2030 (Ituvatuvanaki ni Vuli ni Pasifika 2020-2030).

Era na salavata kei na ituvatuva rabailevu ni Matanitu e vakanamata ina bula vakacegu kei na tiko wasoma ina vuli, oka kina na kena vakayagataki na ituvatuva vou ni Veidusimaki ena Vuli, na Urgent Response Fund, veitokoni vei ira na vulika ena bula ni vakasama, tokoni nona bula o koya e veituberi, kei na rawati ni veidusimaki ena veituberi kei na veiqaravi ni veivakasalataki.

Kevaka o sa semati ira tiko na vuli ena Pasifika ina vuli se tiko eso na veivakauqeti ena vakasama mera tokoni kina na vuli ena Pasifika kei na nodra matavuvale, sa rawa mo kerea na Pacific Education Support Fund se na Pacific Education Innovation Fund ni 2021.

Kevaka o sega ni vakadonui ena nomu kerea na ilavo ena 2020, e dodonu mo ciqoma mai kina eso na vakasama me vukea na kena sagai vakavinaka tale na nomu kerekere me baleta na wavoki ni veivakailavotaki oqo. Kevaka e sa bera, kerea mo veitaratara ina valenivolavola ni nomu yasana.

iVakamacala lekaleka ni Tranche 2 Pacific Education Support kei na Pacific Education Innovation Funds

PACIFIC SUPPORT FUND 

Na veivuke vakailavo ena wasei ina lima na yasana (Okaladi, Waikato, Hawke's Bay-Tairāwhiti, Wellington, kei Canterbury kei Chatham Islands)

Sa vakarautaki tu na veivakailavotaki vei ira na dauveiqaravi raraba ena itikotiko, ilawalawa, kei na isoqosoqo me vukei ira na vuli kei na nodra matavuvale mera raica na veika e baleta na vuli, kei na ituvaki ni bula e basika mai kina/se na leqa levu e kauta mai na COVID-19. Oqo e okati kina:

  • na kena uqeti na nodra veimaliwai na matavuvale ena Pasifika kei na vanua ni vuli ena kena vakabulabulataki na veikilai kei na nodra tokoni na matavuvale kei ira na vuli mera veisemati tale.
  • na nodra semati na vuli kei na matavuvale ena Pasifika vata kei na veiqaravi dodonu e vakarautaka na veitokoni me baleta na gagadre ni vuli, me vaka na nodra rawa ni vuli ena dua na vanua, nodra rawata na veivuke mera vuli tiko ga kei na sala ni veituberi.
  • tokoni ira na vuli tiko mera lesu tale ina vuli torocake, koronivuli se vuli taumada, ka kunea na vuli kei na sala ni veituberi e veiganiti kei ira.
  • na kena tokoni na tikovi wasoma ni vuli kei na cakacaka vata vei ira na vuli ena Pasifika.

Eso tale na itukutuku ena Support Fund

PACIFIC INNOVATION FUND

Ena 2021, o ira na dauveituberi, na vanua ni vuli, ilawalawa ni itikotiko raraba, dauveiqaravi, daunivakadidike, kei na qasenivuli ni vuli ena veivanua e Aotearoa e rawa nira kerekere mera veivuke ena sala veivakauqeti ena ituvaki ni bula ni itikotiko kei na gagadre ni ituvatuva ni vuli ni Pasifika kei ira na matavuvale e vu mai/se vakaleqai vakalevu mai na COVID-19 mai na rua na sala ni veivakailavotaki:

  • Veivakauqeti na ivalavala ni vuli ena rua na vosa ni Pasifika kei na vuli ena vosa ni sucu (immersion education) ena muri vuli kei na koronivuli; se
  • Veivakauqeti raraba me tara na ituvaki ni bula kei na ituvatuva ni vuli e gadrevi me baleta na vuli ni Pasifika.

Na veisau e maqosa, vou, se duidui na sala me sotavi kina na gagadre ni vuli ni nomu itikotiko. 

Eso tale na itukutuku ena Innovation Fund