Home About
Kua kitia ai e hagahaga kelea mo e uka he falu a magafaoa ke matutaki atu ke he tau fakaakoaga ha ko e gagao COVID-19.

Pacific Education Support Fund – Tupe Lagomatai he Faahi Fakaako Pasifika

Tokologa e tau matakau kehekehe pihia mo e tau matakau he tau tagata Pasifika ne kua gahua ai ke lagomatai atu ke he tau magafaoa mo e ha lautolu a tau momoui fakaako ke he magahala nai he gagao COVID-19 mo e iloa ai kua maeke he tau Akomena Pasifika ke moua e tau lagomatai kua lata ma ha lautolu ni.

Maeke he tau matakau kehekehe ke fakaaoga e tau lagomatai tupe mai he Pacific Education Support Fund ke lagomatai atu ke he tau momoui fakaako pihia mo e tau momoui olaola he tau fanau fakaako pihia mo e tau magafaoa ha lautolu tupu mai hakoe gagao COVID-19 Ko e tau manako lagomatai ke he tau fakaakoaga ke lata mo lautolu e tau fanau fakaako ke ua o kehe mai he tau fakaakoaga. Putoia ai foki e lagomatai kehe tau momoui olaola pihia ke he tau fakafetuiaga. Falu a fakataitai a nai:

  • Fakaholo ki mua e tau matutakiaga he tau magafaoa mo e tau aoga fakaako ke laogmatai e tau magafaoa mo e tau Akomena ke liu moua e tau matutakiaga.
  • Lagomatai atu ke he tau magafaoa mo e tau tagata Pasifika ke moua falu a fakaakoaga, po ke fakatonu atu a lautolu ke he falu a fakaholoaga.
  • Lagomatai atu kia lautolu ne kua liliu atu ke he tau aoga pulotu, tau aoga tokoluga pihia mo e tau aoga ikiiki.
  • Lagomatai atu kia lautolu ke oatu ke he tau aoga po ke tau fakaakoaga. 

Ko e Pacific Education Support Fund ko e taha vala a ia he COVID-19 Response and Recovery Fund ne kua fakatoka mai $39.7 e miliona (ma e tau tau 2020/21 hoko atu ke he 2023/24) ke fakaaoga ia ke moua taha matutakiaga he tau magafaoa mo e tau fakaakoaga. 

Falu a tau fakamaamaaga mo e tau pepa fakapuke to moua mai he.

Tau fakatokatokaaga tupe (Tau tufatufaaga ma e tau matakavi)

To fakagahua ai $6 e miliona ke he lima e tau matakavi.  Nakai fai fakakaupaaga e haau a manako tupe lagomatai, ka e mailoga ko e mena fafati ni e tufatufaaga ke he tau matakavi ne lima. Hanai e veheveheaga he tau tupe lagomatai ia:

  • Fa ($4m) e miliona ha Okalana
  • $344, 000 ma ha Waikato
  • $211,000 ma ha Hawke’s Bay-Tairāwhiti
  • $941, 000 ma ha Ueligitoni
  • $484, 000 ke lata ma ha Canterbury mo Chatham Islands

Ko e lahi e tupe kua fakatoka ma Okalana hakua kitia ai ko e tokologa e tau Akomena Pasifika mo e kua lauia lahi foki ke he gagao COVID-19 mo e kua fa hikihiki foki e tau Fakapapahiaga Fakaofo he gagao.

Ko e 5 e maaga lalahi kua kitia ki ai kua tokologa e tau Akomena Pasifika, fakatatai atu ke he tufatufaaga he tau numela po ke puke tama Akomena Pasifika ti pijhia foki ke he tau talahauaga ke he tau maaga

Tau puipuiaga

Ko e tau fakatokatokaaga ke muitua ki ai:

  • Ko e matakau haau gahua ma e tau tagata, matakau matutaki atu kehe ta lotu kehekehe, mo e ha ha i ai kehe tau matakavi na ne lima: Auckland, Waikato, Hawke’s Bay-Tairāwhiti, Wellington, Canterbury mo Chatham Islands
  • Kua muitua e matakau haau ke he tau matafakatufono tohi, fai pepa tupe ne fakahigoa ai ke he haau a matakau
  • Ko koe mo e tau tagata he matakau, ko mutolu ko e tau tagata Niu Silani po ke tau tagata kua maeke ke nonofo i Niu Silani
  • Ko e ha mutolu a tau fakaholoaga kua lata ke fakagahua ai ke he tau matakavi na ne lima, mo e lagomatai atu e tau tagata Pasifika ke he lautolu a tau fakaakoaga
  • Ko e tau koloa oti ne kua talaga mai ha koe tau tupe lagomatai nai, kua lata ke fakaaoga he tau tagata Pasifika oti
  • Nakai fai lekua fakamatafakatufono e matakau haau

Maeke he tau matakau ne fai po ke nakai fai matutakiaga ke he Minisituli ke tohi atu e tau tohi ole lagomatai. 

Ko lautolu e tau matakau ne moua e falu lagomatai tupe he 2020/21 maeke ia lautolu ke tohi ole atu foki. To hakahaka ai ha mutolu a tau gahua he laga kua mole ka fifili ai e tau tohi ole he laga nai. Kua lata ia mutolu ke tohia fakamakutu e tau fakamoleaga he tau tupe ne moua ai ka liu tohi ole atu he laga e. 

Maeke ia koe ke liu tohi ole atu ke matutaki po ke fakaholo ki mua e tau fakaholoaga ne kua fita he fakagahua. Kua lata ia mutolu ke tohia fakamakutu e tau fakamoleaga he tau tupe ne moua ai ka liu tohi ole atu he laga e.

Ko e maeke ni a koe ke fakafano atu e tohi ole ke he taha ni e matakavi ke he Support Fund. Maeke ia koe ke gahua fakalataha mo e falu mai he matakavi ne nofo ai a koe, ka e nakai maeke e tau matakau ke fakafano atu loga e tohi ole ke lata ia mo e taha ni e fakaholoaga. 

Tau mena ne nakai maeke e Pacific Education Support Fund ke lagomatai: 

  • Nakai maeke e tau aoga ikiiki, tau aoga lalahi pihia mo e tau aoga pulotu ke ole lagomatai atu ke he Pacific Education Support Fund, ka e maeke ke ole atu ke he Pacific Education Innovation Fund nai.
  • Kua fita e tau fakaholoaga he tau aoga ikiiki, tau aoga lalahi mo e tau aoga pulotu he fakatupe he fakatufono.
  • Tau faga gahua kehekehe ne maeke ai ke moua mai falu a tupe ma e matakau.
  • Falu a gahua ne nakai o tatai mo e tau fakatokatokaaga kua talia ki ai.
  • Tau fakaholoaga ki fafo i Niu Silani, putoia ai foki a Niue, Cook Island mo Tokelau.
  • Talaga he tau koloa po ke fakatau he tau koloa lalahi
    • Tau koloa fakaaoga, ka e maeke e faahi fakaako tama ke foaki atu e tau koloa tuga e tau komopiuta ke fakaoga he falu a magaaho.
  • Tau fenoga ke he tau motu kehe. 

Tau fifiliaga

To fifili e tau tohi ole muitua atu ke he tau mena nai:

  • Ko e muitua nakai e tohi ole ke he tau mena kua fita he fakatokatoka
  • Fai kitiaaga ke he falu a mena kua taute ke lagomatai atu e tau fanau fakaako ha koe gagao COVID-19
  • Kua kitia e maeke ia mutolu ke fakagahua e fakaholoaga kua fakatoka
  • Ha ha ia mutolu e tau koloa ne maeke ia ke lagomatai atu e tau fanau fakaako

Kua manako a mautolu ke iloa:

  • Ko e heigoa e tau mena ka moua mai he ha mutolu a fakaholoaga, mo e manako ke kitia e tau mena mitaki ka mumui mai
  • Ko e heigoa e tau mena ne maeke ke lagomatai atu ke he tau fanau fakaako mo e ha lautolu a tau magafaoa
  • Ko hai e tau fanau fakaako mo e tau magafaoa ka maeke a mutolu ke lagomatai
  • Ko e fiha e tupe ne manako a mutolu ki ai

Tau kitekiteaga mo e tau hokotaki

To moua mai e tau hokotaki hagaao ia ke he tuaga he fakaholoaga ha mutolu. To foaki atu foki falu a lagomatai hagaao ia ke he tau puhala tohi hokotaki kia lautolu ne kua kautu e tau tohi ole. 

Additional Information