Home About
Sa tekivuna na COVID-19 e levu na ka ni bolebole vou ena ka ni vuli qai vakacacana sara vakalevu eso na duidui sa tu rawa tu.

Pacific Education Innovation Fund 

Na COVID-19 e kauta talega mai e vuqa na ivalavala veivakauqeti sa yaco tiko ena itikotiko ni Pasifika me vakadeitaki kina nira sa vakaitavi tiko na vuli kei na matavuvale ena Pasifika, era taqomaki qai toso vinaka nodra vuli.

Me ciqoma ka tokona na ivakarau veivakauqeti oqo na Pacific Education Innovation Fund ena dola tale ena 2021/22. E taketetaka vakatabakidua na ivalavala veivakauqeti ka tokona na nodra ituvaki ni bula na gonevuli ena Pasifika kei na gagadre ni ituvatuva ni vuli, ka sa mai vakaleqai ena COVID-19, okati kina na vuli ena vuli ni rua na vosa kei na vuli ena vosa ni sucu.

Keitou vaqara tiko na veika vovou, cakacaka vata kei na duidui sala ni nodra vakavulici na gonevuli ni Pasifika kei na veimatavuvale me vakamalumutaka na veivakaleqai ni COVID-19 ena nodra vuli, okati kina na:

  • na ivakarau laulau ena ituvatuva ni veivakavulici ka vakatabakidua vei ira na gonevuli Pasifika kei na matavuvale mera vakayagataka se vakarabailevutaka;
  • tauyavutaki se vakarabailevutaki ni ivurevure eso ni ituvatuva ni vuli me baleta na ilawalawa ni vuli kei na matavuvale ena Pasifika; kei na
  • porokaramu se cakacaka e vakaceguya na gagadre ni vuli kei na veika era dau vinakata tu na gonevuli ni Pasifika ina Pasifika

Vuli ena rua na vosa ni Pasifika kei na vuli ena vosa ni sucu

Na vuli ena rua na vosa kei vuli ena vosa ni sucu e dua na ituvatuva e rawa kina vei ira na gonevuli kei na nodra matavuvale mera rawata kina na vuli e sema vata kei na ituvatuva vuli ni matanitu ena vosa ni Pasifika. E sega ni okati kina na vulici ni dua na vosa ni Pasifika me ikarua ni vosa.

Ena Innovation Fund:

  • Na vuli ena rua na vosa e vakaibalebale na kena vakayagataki e dua na vosa ni Pasifika me caka kina na veivakavulici se wasea na veidusimaki ena rauta ni 50 na pasede ni dua na gauna ni vuli.
  • Na vuli ena vosa ni sucu oya na kena vakayagataki e dua na vosa ni Pasifika ena veivakatavulici kei na veidusimaki ena rauta ni 80 na pasede ena dua na gauna ni vuli.
  • Na veivosa ni Pasifika sai koya na veivosa nodra na itaukei ni vanua ni Pasifika.

E namaka tiko na Tabacakacaka ni vuli ena rua na vosa kei na vuli ena vosa ni sucu me vakaraitaka vakamatata na isema ni Te Whāriki kei na iTuvatuva ni vuli e Niusiladi, ena vanua e veiganiti kina.

Na itukutuku me baleta na ivakatagedegede eso me rawati kina na veika qo kei na fomu ni kerekere e rawa ni kune eke.

iLavo Vakarautaki (iVotavota ni iWasewase)

Ena 2021, na dauveituberi, na vanua ni vuli, ilawalawa vakaitikotiko, dauveiqaravi, daunivakadidike kei na vuli mai na veivanua kecega e Aotearoa e rawa nira kerekere mera vakaceguya na ka era gadreva ena itikotiko kei na ituvatuva ni vuli era gadreva ena gonevuli ni Pasifika kei na veimatavuvale e basika mai kei na/se vakaleqai vakalevu mai na COVID-19 mai na rua na sala ni veivakailavotaki: 

  1. $2.5 na milioni me baleta na ivakarau veivakauqeti ena vuli ni Pasifika ena rua na vosa kei na taucoko ni vuli ena muri vuli kei na koronivuli; se
  2. $3.5 na milioni me baleta na ivakarau veivakauqeti me vakavinakataka na ituvaki ni bula kei na ituvatuva ni vuli e gadrevi me baleta na vuli ni Pasifika.

Ena tiko e $6 na milioni ena veiyabaki me yacova na 2024.

Wasei ni Veivakailavotaki

Na ituvatuva oqo e koto kina na kena veisoliyaki na ilavo: 

Yasana $3.5 na milioni me baleta na ivakarau veivakauqeti  $2.5 na milioni me baleta na vuli ena rua na vosa kei na vuli ena vosa ni sucu

Tai Tokerau

$32,270.00

$7,470.00

 

Auckland

$2,419,940.00

$2,250,000.00

Waikato

$134,100.00

$31,000.00

Bay of Plenty

$74,180.00

$17,170.00

 

Taranaki, Manawatu, Whanganui

$84,920.00

$19,660.00

 

Hawkes Bay, Tairāwhiti

$82,410.00

$19,075.00

 

Wellington

$366,790.00

$84,900.00

 

Nelson, Marlborough, West Coast

$34,710.00

$8,030.00

 

Canterbury, Chatham Islands

$188,600.00

$43,655.00

 

Otago Southland

$82,080.00

$19,000.00

  • Na Vakailavotaki ni Veiyasana sa wasei ena kedra levu na gonevuli ni Pasifika ena vanua yadua.
  • Na vakailavotaki ni vuli ena rua na vosa ni Pasifika kei na vuli ena vosa ni sucu e dau vakabibitaka i Okaladi ka ciqoma na vakatabakidua ni vuli ena rua na vosa kei na vuli ena vosa ni sucu ena yasana.

Veika mo okati kina

Ni o kerea mo vakayagataka na veika oqo – o lewe ni:

  • iLawalawa se mata ni muri vuli, koronivuli kei na/se vuli torocake. E rawa ni okati tale ga kina:
    • Na ilawalawa ni gonevuli era semati ina dua na koronivuli, dauveiqaravi ni vuli torocake se ilawalawa/isoqosoqo ni itikotiko raraba
    • O ira na ilawalawa ni itubutubu kei na matavuvale era semati ina dua na itikotiko ni muri vuli, koronivuli, vuli torocake se ilawalawa/isoqosoqo ni itikotiko raraba
    • E dua na Kāhui Ako e matataka e dua na iwasewase ni koronivuli, na vanua ni muri vuli kei na/se vuli torocake
  • iLawalawa vakaitikotiko kei na isoqosoqo, okati kina na Lotu.
  • O ira na daunivakadidike kei na vuli era okati ina dua na isoqosoqo ni vuli torocake se vale ni vakadidike.
    • Vuli kei ira na dauveiqaravi ni veimaliwai.
  • Na ilawalawa o kerekere tiko ena vukudra e kilai tiko vakalawa.
  • O iko se nomu ilawalawa e okati kina e dua e yabaki 18 se sivia.
  • O iko, kei ira na lewe ni nomu ilawalawa, o ira na lewe ni vanua e Niusiladi se lewe ni vanua tudei ka vakaitikotiko e Niusiladi.
  • Ena caka na nomu veisau ka soli yani e Niusiladi ka na tokoni ira na vuli kei na matavuvale ni Pasifika kei na nodra kawa.
  • Na nomu veisau ena lako vata kei na ituvatuva ni vuli ka veiwekani kei/se bula vakacegu era gadreva na gonevuli.
  • Na veika e rawati kei na iyaya ni veivuke e rawati ena vuku ni veivakailavotaki ena soli wale vei ira na gonevuli ni Pasifika kei na nodra matavuvale.
  • Na nomu ilawalawa e sega ni okati ena dua na ka vakailavo, vakalawa se so tale na ka (me vaka na beqaravu, veilewai kei na so tale).

Me baleta na ilavo ni vuli ena rua na vosa kei na vuli ena vosa ni sucu, era na vakaliuci o ira na sa veimaliwa voleka se veisemati kei na dua na valenivolavola ni muri vuli se koronivuli e vakayacori tiko kina na porokaramu ni vuli ena rua na vosa kei na vuli vuli ena vosa ni sucu, okati kina o ira na kerekere mera curu mai na itikotiko raraba.

O ira na dauveiqaravi era konitaraki tiko kei na Tabacakacaka kei ira na dauveiqaravi e sega ni konitaraki tiko kei na Tabacakacaka e rawa nira vola ruarua nodra kerekere.

O ira na rawata na veivuke vakailavo ni 2020/21 e rawa nira kerea tale na veivuke qo.

E tiki ni ituvatuva na kena vakadikevi na veika o sa mai rawata ena imatai ni wavoki. Sa na gadrevi mo na vakarautaka na veika matailalai ena veivakailavotaki o sa ciqoma ena fomu ni kerekere.

E rawa ni o vakauta na levu ga ni ivola kerekere o vinakata.

O ira na kerea na veivuke vakailavo era rawa ni kerekere mai na duidui yasana ena dua tiko ga ni cakacaka e vinakati, ia ena vinakati e duatani ga na ivola ni kerekere ni yasayasa yadua e okati tiko ena cakacaka ya.

E rawa ni o kerea na veivuke vakailavo me tomani se tara cake na veika o cakava tiko ena gauna oqo. Sa na gadrevi mo na vakarautaka na itukutuku ni veivuke vakailavo o sa taura me baleta nomu cakacaka ena ivola kerekere.

Na Innovation Fund ena sega ni solia na veivuke ena veika oqo:

  • Na veiqaravi ni muri vuli, koronivuli kei na vuli torocake era sa vakailavotaki oti ena veika mera vakayacora (veiqaravi era vakayacora vakatabakidua na veivanua ni muri vuli, koronivuli kei na veivanua ni vuli torocake)
  • Me baleta na cakacaka ni vaqara tubu/se dua na itavi ni qara ilavo
  • Na Porokaramu kei na veiqaravi e vakayacori tiko ena so tale na matanitu, okati kina na veivanua e rurugi e Niusiladi
  • Yaya ni cakacaka se yaya tudei
    • Ena sega ni vakailavotaki na iyaya ni cakacaka; ena vakatau sara ga ena Tabacakacaka ni Vuli ke via vakatara na lisitaki ni veika yaga (me vaka na laptop).
  • Gade i vanua tani.

iDusidusi ni veiqaravi

O ira na kerekere era na dikevi ena veika oqo:

  • Na ivakadinadina ni cakacaka e sa vakaceguya tiko na veika era gadreva na gonevuli ni Pasifika me raica tale ni vakayacori na gagadre ni vuli eso e basika mai se vakaleqai ena COVID-19.
  • Na sala ena veisautaka kina na gonevuli ena Pasifika na ivakarau vou ni vuli
  • iVakadinadina ni veika o rawata/rawa mo cakava na cakacaka sa vakaturi tiko
  • Na wase ni ilavo e vinakati e okati iyaya ni veiqaravi e veiganiti ka vakaraitaka na yaga ni ilavo

Keimami taleitaka na iwalewale e tokona kina na vuli na veisau me baleti ira na vuli ena Pasifika kei na matavuvale ena:

Se

  • Na kena vakayacori na ivakarau ni veivakavulici veivakauqeti e tara na ituvaki ni bula kei na nodra gagadre na vuli ena Pasifika kei na matavuvale era lamata mai na kei na/se vakaleqai vakalevu ena COVID-19. Na veisau e dua na toso vou, ka vou na sala me dikevi kina na veika era gadreva na gonevuli ni nomu itikotiko

SE

  • Vakayacori na ivakarau ni vuli e veivakauqeti ena rua na vosa kei na vuli ena vosa ni sucu ena vuku ni veika e mai vakavuna na COVID-19

Keimami gadreva me keimami kila:

  • Na cava e veivakauqeti me baleta na nomu cakacaka
  • Na sala vou ni veivakavulici e lai tara vakacava na veika era gadreva na gonevuli era vakaleqai ena COVID-19
  • Na sala o na tarai ira kina na gonevuli kei na matavuvale ena Pasifika kei na sala me na vakayaco veisau kina
  • Na cava mo cakava mo vakacavara kina na nomu cakacaka
  • Na sala cava o na tosoya kina na nomu cakacaka qai vakarabailevutaka na nodra kilaka na gonevuli ni Pasifika

Vakadikevi kei na ripotaki

Sa namaki mo ripotetaka na toso ni nomu cakacaka. Ena vakarautaki e levu tale na itukutuku ena ripotetaki ni veika ena gadrevi vei ira na sa rawata na veivuke.

Additional Information