Home About
Kuo fokotuʻu ʻe he Potungāue Akó ha ongo paʻanga tokoni ʻe ua ke poupou ki he lavameʻa mo e tuʻunga lelei ʻa e moʻui (wellbeing) ʻa e kau ako Pasifikí lolotonga ʻo e COVID-19.

Ko e Pacific Education Innovation Fund mo e Pacific Education Support Fund ko e konga ia ʻo ha ʻinivesi $80.2 miliona ʻi he Ako ʻa e Kakai Pasifikí ʻo fou mai mei he COVID-19 Response and Recovery Fund naʻe talaki ʻi he Action Plan for Pacific Education (Palani Ngāue ki he Ako ʻa e Kakai Pasifikí) 2020-2030.

ʻOkú na fenāpasi mo e tokanga fakalūkufua ʻa e Puleʻangá ki he tuʻunga lelei ʻa e moʻuí mo e maʻu akó, ʻo kau ai ʻa hono fakahoko atu ʻo e ngaahi lakanga Curriculum Lead (Taki Silapa), mo e Urgent Response Fund, poupou ki he moʻui lelei ʻa e ʻatamaí, poupou ki he tuʻunga lelei ʻa e moʻui ʻa e kau fakahoko akó, pea mo hono maʻu atu ʻo ha faleʻi fakahinohino pea mo ha ngaahi sēvesi faleʻi.

Kapau ʻokú ke fakafehokotaki ha kau ako Pasifiki ki he akó pe ʻi ai haʻo ngaahi fakakaukau foʻou ke poupou ki he kau akó mo honau ngaahi fāmilí, te ke lava ʻo tohi kole ki he Pacific Education Support Fund pe ko e Pacific Education Innovation Fund ʻi he 2021.

Kapau naʻe ʻikai tali hoʻomou kole paʻanga tokoni ʻi he 2020, ʻoku totonu ke mou maʻu atu ha fakamatala ke tokoni ke toe mālohi ange ʻa hoʻomou tohi kolé ʻi he takai fakapaʻanga ko ʻení. Kapau kuo teʻeki ai ke mou maʻu atu ʻeni, kātaki ʻo fetuʻutaki ki hoʻomou ʻōfisi fakavahefonuá.

Fakamatala fakanounou ʻo e Tranche 2 Pacific Education Support mo e Pacific Education Innovation Funds

PACIFIC SUPPORT FUND

ʻE vahevahe ʻa e paʻanga tokoní ki he ngaahi vāhenga ʻe nima (Auckland, Waikato, Hawkeʻs Bay-Tairāwhiti, Wellington, pea mo Canterbury mo e Chatham Islands)

ʻOku ʻatā atu ʻa e fakapaʻangá ki he ngaahi kautaha fakahoko ngāue, ngaahi kulupu mo e ngaahi kautaha ʻi he ngaahi komiunitií, ke tokoni ki he kau akó mo honau ngaahi fāmilí ke fakalato ʻa e ngaahi fiemaʻu felāveʻi mo e akó mo e ngaahi fiemaʻu ki he tuʻunga lelei ʻa e moʻuí kuo tupunga pea mo/pe fakalalahi ʻi he COVID-19. ʻE malava ke kau ki heni ʻa e:

  • fakatupulaki ʻo e ngaahi vā fengāueʻaki ʻi he vahaʻa ʻo e ngaahi fāmili Pasifikí mo e ngaahi akoʻangá ʻaki hano fakafehokotaki kinautolu mo hono poupoua ʻo e ngaahi fāmilí mo e kau akó ke nau toe foki ʻo fehokotaki.
  • fakafetuʻutaki atu ʻa e kau ako mo e ngaahi fāmili Pasifikí ki he ngaahi sēvesi totonu ʻoku nau fakahoko ha poupou ki he ngaahi fiemaʻu ʻoku fekauʻaki mo e akó, hangē ko ha ako ʻi ha akoʻanga mo hano maʻu atu ʻo ha ngaahi halanga ako mo e ako ngāue hokohoko.
  • poupou atu ki he kau akó ke nau foki ki he ako māʻolunga ange ʻi he kolisí, ki he ngaahi ʻapiakó pe ako tokamuʻá, pea mo hano kumi ha ngaahi halanga ako mo e ako ngāue ‘oku hoa mo kinautolú.
  • poupou ki he maʻu akó mo e kau atu ki he akó, ʻa e kau ako Pasifikí.

Fakamatala lahi ange felāveʻi mo e Support Fund

PACIFIC INNOVATION FUND

ʻI he 2021, ʻe lava ha kau fakahoko ako, ngaahi akoʻanga, ngaahi kulupu fakakomiunitī, ngaahi kautaha fakahoko ako, ha kau fakatotolo mo ha kau ʻakatēmika meí ha faʻahinga tapa pē ʻo Aotearoa ʻo tohi kole ke fakahoko atu ha ngāue fakafeituʻu ki he tuʻunga lelei ʻa e moʻui mo e ngaahi fiemaʻu fakasilapa ʻa e kau ako mo e ngaahi fāmili Pasifikí ʻa ia kuo tupunga pea mo/pe fakalalahi meí he COVID-19, ʻi ha ngaahi founga foʻou, meí he ongo halanga fakapaʻanga ʻe ua:

  • Ngaahi founga ngāue foʻou ʻi he akó ʻi ha lea ʻe ua (bilingual) mo e ako ʻi ha lea pē ʻe taha (immersion), ʻi he ngaahi akoʻanga tokamuʻá pea mo e ngaahi ʻapiakó; pe
  • Ngaahi founga ngāue ʻilo foʻou fakalūkufua pē te nau fakalato ʻa e ngaahi fiemaʻu kau ki he tuʻunga lelei ʻa e moʻuí mo e ngaahi fiemaʻu ki he silapa akó ʻa ia ʻoku felāveʻi mo e ako ʻa e kakai Pasifikí.

Ko e ʻilo foʻoú (innovation) ko ha ngaahi founga fakatupu ʻilo foʻou pe kehekehe ia ke fakalato ʻa e ngaahi fiemaʻu fakaako ʻa homou ngaahi komiunitií.

Fakamatala lahi ange felāveʻi mo e Innovation Fund