Conversation
O le Pacific Education Innovation Fund ma le Pacific Education Support Fund o se vaega o le $80.2m e faafaigaluegaina i Aʻoaʻoga Pasifika e faaauala atu i le COVID-19 Response and Recovery Fund na faalauiloaina i le Fuafuaga o Galuega Faatino mo Aʻoaʻoga Pasifika 2020-2030.
E ogatasi ma le taulaʻiga atoa a le Malo i tulaga tau le soifua manuia ma le auai ai i aoga, e aofia ai ma le faataunuuina o tiute i tofiga Curriculum Lead, o le Urgent Response Fund, fesoasoani mo le soifua maloloina o le mafaufau, lagolagosua mo le soifua manuia o faiaoga, ma maua fesoasoani i auaunaga faafaufautua.
Afai o e faatinoa galuega e fesootai ai tamaiti aoga Pasifika i aʻoaʻoga pe o iai foi ni manatu i faiga fou e lagolagoina ai tamaiti aoga Pasifika ma o latou aiga, e mafai ona e talosaga mo le Pacific Education Support Fund po o le Pacific Education Innovation Fund i le 2021.
Afai e lei faamanuiaina lau talosaga mo se fesoasoani tau tupe i le 2020, ua tatau ona e mauaina se fautuaga i auala e toe faaleleia ai lau talosaga i le faagasologa o fesoasoani tau tupe lenei. Afai e lei maua atu se fautuaga, faamolemole faafesootai mai le ofisa faaitumalo.
Aotelega o le Tranche 2 Pacific Education Support ma le Pacific Education Innovation Funds
PACIFIC SUPPORT FUND
O le a vaevaeina fesoasoani tau tupe i itumalo e lima (Aukilani, Waikato, Hawke’s Bay-Tairāwhiti, Ueligitone, ma Canterbury ma le Chatham Islands)
O loo maua fesoasoani tau tupe mo faalapotopotoga ma vaega o loo faatinoa auaunaga e fesoasoani ai i tamaiti aoga ma o latou aiga ia ausia manaoga e fesootai ma aʻoaʻoga ma le soifua manuia talu ona tulai mai ma/pe mafua ona o le COVID-19. E mafai ona aofia ai vaega nei:
- atinaega o sootaga i le va o aiga Pasifika ma nofoaga mo aʻoaʻoga i le faia lea o fesootaiga ma lagolagoina aiga ma tamaiti aoga e fesootai.
- fesootai tamaiti aoga Pasifika ma aiga i auaunaga saʻo ma talafeagai e maua ai fesoasoani i manaoga e fesootai ma aʻoaʻoga, mo se faataitaiga fesoasoani i aʻoaʻoga e faatino i potuaoga ma maua aʻoaʻoga faifaipea ma alafua i aʻoaʻoga e aʻoaʻo atu ai tomai.
- lagolagoina tamaiti aoga e toe foi e aooga i aoga maualuluga faaiunivesite, aoga poo aoga amata, ma saili aʻoaʻoga e saʻo ma talafeagai ma alafua i aʻoaʻoga e aʻoaʻo atu ai tomai.
- lagolagoina le auai i aoga ma fesootaiga mo tamaiti aoga Pasifika.
Faamatalaga faaopoopo i le Support Fund
PACIFIC INNOVATION FUND
I le 2021, o le a mafai e faiaoga, nofoaga mo aʻoaʻoga, vaega eseese, auaunaga, ausuesue ma tomai tau aʻoaʻoga ona talosagaina fesoasoani tau tupe nei mai soo se nofoaga i totonu o Aotearoa, e tali atu ai i manaoga tau soifua manuia faalotoifale ma mataupu aʻoaʻoina mo tamaiti aoga Pasifika ma aiga ua tulai mai ma/pe ua faateteleina le faaletonu ona o le COVID-19, i ni faiga fou mai fesoasoani tau tupe e lua e pei ona faia nei:
- Faiga fou i gagana e lua e faaaogā ai le gagana Pasifika ma faiga e mafai ona aʻoaʻo i le gagana o loo mananao ai i totonu o aoga amata ma aoga; poo
- Faiga fou lautele e ausia ai manaoga tau soifua manuia ma mataupu aʻoaʻoina e fesootai ma aʻoaʻoga mo tagata Pasifika.
O faiga fou e atagia ai le atamai, ma auala fou eseese e ausia ai manaoga tau aʻoaʻoga mo tagata o loo faia i ai la outou auaunaga.
Faamatalaga faaopoopo i le Innovation Fund
